Istória
Radio Comunidade Ili-Wai Manatuto, hahu hari’i iha dia 13 de Marsu de 2002, hodi hatutan informasaun ba Comunidade kona ba sistema ou prosesu politik no dezenvolvimentu depois Timor Leste ukun rasik an nudar nasaun demokratika ida iha mundo.
Ho razaun ne’ebé iha leten Radio halao planu ba kobertura informasaun kontrolu ba prosesu tomak ba lalaok dezemvolvimentu iha Timor Leste espesial munisipiu Manatuto. Rádiu halao educasaun civika no mensagem húsi lideransa no juventude, no mos Comunidade sira iha municipiu Manatuto atu kria paz no estabilidade iha munisipiu, postu, suco, aldeia no areia rurais atu foin’sae sira bele hatene no komprende, prepara sira nia an partisipa no kontribui ba Dezenvolvimentu iha nasaun doben Timor Leste.
Vizaun
Haforsa kualidade rekursu humanu, tau interese misaun social no potensia ne’ebé iha hodi hamosu povo ba moris diak liu húsi reportajen.
Misaun
- Hato’o informasaun ho noticia aktual ba Comunidade
- Haforsa espiritu kreatividade iha Comunidade
- Ajuda Comunidade iha informasaun ba aktividade Sosial, Ekonomia, Kultura, Saude, Educasaun ho seluk tan.
Objetivu
- Atu hato’o informasaun kona ba programa no aktividades, regulamentu ho regras, legais governu nian ba povo Manatuto.
- Atu povo/foin sa’e iha konsencia partisipasaun imos kontribuisaun ba prosesu dezenvolvimentu iha nasaun Timor Leste.
- Atu educa ho kapasita povo hodi komprende kona direitu no dever povo nian iha moris lor-loron.
Programa refere radio Manatuto sei involve governu lokal, comunidade, joventude ho labarik sira húsi aldeia/areia remotas to’o distrito. - Atu hamenus konflitu oin-oin no hodi implementa moris paz no estabilidade iha aktividades lor-loron.
Iha partisipasaun imos hodi halao programa iha aktividades local no nasional. - Atu haforsa no habelar informasaun kona ba prosesu informasaun ho rezultado dezenvolvimentu ba povo Manatuto no Estado Timor Leste.
- Atu haforsa no susesu ba foin sa’e iha Manatuto.
- Atu involve Comunidade no foin sa’e iha programasaun radio nian
